序
起一堆火在路脣,
分遊遊野野?人燒暖,
融化衫褲項?霜雪;
起一堆火在路脣,
分流流漂漂?人燒暖,
融化心肝肚?霜雪。
2016年12月3號,跈等南庄鄉合唱團去到臺北市,參加中山基督長老教會舉辦?「流浪者之歌」慈善音樂會,目的係為台北市?街友、遊民來募款,希望協助街友?團體,有兜仔經費來為遊民服務,分佢兜燒暖,分街友、遊民做得度過寒冬、冷天。
論真講,臺灣係寶島,人民在這位有追求自由、追求財富、追求幸福?權利;在這位政治民主、經濟自由、社會項還有燒暖?人情味。想著吾姆講?,總愛肯煞猛、會打拚,食、著生活定著毋使愁!毋過,仰會還有恁多?遊民、街友在台北都市肚、在莊下?街路項?
這種現象背後?反映,一種講係佢兜自家?選擇,佢兜有錢好過生活,無想分家庭約束、無想分制度綑綁,甘願流流漂漂、遊遊野野,餐風露宿、逍遙自在!毋過,這兜人佔遊民街友?比率,毋知有幾高?一種講係臺灣歸個制度,行向資本主義、經濟自由化?道路,資本家/頭家永久係市場經濟?贏家,資本越多越贏面,無法度累積資本?勞工/員工永久就係輸家,想愛在這制度底下翻身無恁該,弱勢者還較可能,緊來緊弱勢,到尾來,放棄當多?生活理想,高不將,做遊民街友!
這兩種反映,牽涉著個人自由?選擇,還有經濟制度底下無奈何、不得不?情況。照恁仰來看,都市、莊下遊民、街友?現象,定著毋會在臺灣社會消失,毋過,還係盼望臺灣社會有較多兜仔燒暖,在人家寒天?時節,起火燒樵,燒暖別人,融化別人衫褲項、心肝肚?霜雪。
2018.05.15寫在南庄