Tsit本台語作品集號做《火種�Hue-tsing》，是藉著《莊子．養生主》：「指窮於為薪，火傳也，不知其盡也。」的意義來書寫我學習臺語、傳播臺語的生涯佮感想。分做四輯：
?
第一輯 思鄉，思情
思念親人、故鄉，用爸母話共所思所念化作文字，是自我敨放的過程，是寄相思、解鄉愁的上好的藥方。
?
第二輯 火種�Hue-tsing
行入臺語教學之路，沿路那教、那學、那寫……，毋是干焦「教囡仔講臺語」爾爾，路途中的鹹、酸、苦、澀，點點滴滴攏成做甘甜美好的記持。
?
第三輯 類文學報導
語言是文化的載體，民間文學是上豐富的文學寶藏。歌詩、畫作、音樂、舞蹈……，結合做伙是藝術的整體展現。感謝所有的好因緣，予阮有參與的機會。
?
第四輯 生活隨筆
身邊的花草樹木，綴四時轉換變化，咱若用心去觀察、去體會，齊齊是成做詩文上直接、上好的肥底──這也是生活美學的哲理。