1. 話頭——《台文通訊30冬紀念特刊》e意義kap向望

1-1. 推薦文

1-2. 總編輯kap主編e話



2. 《台文通訊》手稿kap歷史資料

2-1. 《台文通訊》合訂本

2-2. 《台文通訊》刊物相關相片記錄

2-3. 《台文通訊》讀者聯誼會成員相片記錄

2-4. 《台文通訊》代表性作家手稿

2-5. 《台文通訊》編輯團隊批信交流

2-6. 《台文通訊》北美台語文運動e寫真回顧



3. 《台文通訊》30冬——Ui海外到島內，近代台文運動起鼓

3-1. 《台文通訊》發展史

3-2. 《台文通訊》30冬e意義

3-3. 《舌尖與筆尖 — 台灣母語文學的發展》（國立台灣文學館出版）內容摘要

3-4. 北美地區台語文e研究、教學kap推廣（李勤岸 2004）



4. Teng頭看《台文通訊》e感想

4-1. 《台文通訊》編輯團隊kap貢獻者回顧

4-2. 《台文通訊》讀者聯誼會回顧

4-3. 《台文通訊》作者回顧

4-4. 《台文通訊》讀者回應kap寄望



5. 《台文通訊》30冬文keng——咱koh讀koh想

5-1. 台文通訊e運動性kap發展，包括讀者聯誼會

5-2. 台灣語文意識、台灣意識kap相關論述

5-3. 台語文學kap羅漢書寫實踐

5-4. Ui無k?ng角度來看台文通訊



6. 感謝名單

作者序



　　今年是《台文通訊》創刊第30週年，t?這個時間點出版「《台文通訊》30冬特刊」有特別e意義。



　　2019年「23rd世界台語文化營」t?洛杉磯舉行，b?-chio 40歲以下e草根台語文運動者，ui台灣來參加。有「做伙來講台語 s?g kah 烏ma-ma 好無？ 協會」 e Tiu? Sio-nga，「意傳科技」Sih Seng-hong ，「台文博覽會」，「台文博覽會」、「ChhoeTaigi」、「台文雞絲麵」e負責人Ngo? He-bi等。In建議海外e台語文運動者k?過去e歷史寫--落-來，thang見證、累積、傳承in救護台灣語言所做過e努力，m? thang鼓催中華民國體制內困難做到e「台語文化轉型正義kap復興」。可惜座談會發言e人真ch?，無時間討論議案，這項建議無得著應該有e討論。



　　無拍算，吳家銘（He-bi）無死心，2020年秋主動來招我做編輯「《台文通訊》30冬特刊」e事工，叫我做總編輯。K?我講我kan-na負責tau keng（海外時期）《台文通訊》內面無仝階段代表性e文章，鼓勵人來寫回顧to?h ?-sai。編輯，公開募資，出版，通路等執行e工作伊歡喜來負責。



　　H??伊對傳承台語文化迫切e危機感kap鬥志感動--著，我招《台文通訊》加拿大連絡人吳景裕（陳雷），kap《台文通訊》台灣總連絡人陳豐惠做伙來做共同總編輯。家銘koh招鄭智程、紀品志、林碧堂來做共同主編。智程是成大台文系研究所學生，傑出新世代e台語文草根運動者。品志是台大是台大農業化學系學士，荷蘭Leiden大學語言學碩士。碧堂是台南神學院道學碩士，台灣教會公報台文版主編。

?

　　另外，家銘koh招40幾位志工，beh k?《台文通訊》數位化，方便少年人t?手機讀《台文通訊》e 文章，m? ?-tang方便語言學者對台灣語文運動史e研究。這個編輯團隊來自三個無仝國家，三個無仝世代，象徵海內外台灣人毋肯放棄，迫切beh救護傳承台語e決心。



　　有關台語文運動史e整理kap台語文獻資料e收集已經有體制內外e單位bat做--過。「《台文通訊》30冬特刊」kap數位化e計畫敢有啥物特殊e意義？



　　第一：鼓勵青年人讀海外時期e《台文通訊》

?

　　《台文通訊》海外主筆群真ch?是台灣人e精英，in t?各人專業有傑出e成就。In ui國外看台語文化e問題，有多元多樣e內容，現代智識kap台灣精神e營養份真高。可惜《台文通訊》是小眾傳播，絕大部份台灣人m?-bat聽過有這份刊物。出版「《台文通訊》30冬特刊」有典藏1991-2011年彼時期e台語文運動史料kap台語台灣文學發展史e作用。M?-koh上大e意義猶是h??少年人?-tang t?網路讀?著早期《台文通訊》e作品。H?? 1975年「紐約台灣語文推廣中心」，1977年《台灣語文月報》，1991年《台文通訊》 ，1993年「聰美姊紀念基金會」，1997「Toronto 台灣語文中心」，後--來轉去到台灣「李江?台語文教基金會」這段台語文運動寶貴e經驗，會當繼續傳--落-去，成做台語文化e肥底。

?

　　這幾冬來b?-chio獨派e少年人，意識著台語文化斷種e危機，開始想beh k?台語學--轉-來。可惜，台灣主要e文化通路——教育體制�大眾媒體——猶是h??華語霸權pa tiau--leh，台灣人猶是看輕家己爸母話文化，欠缺語言文化自尊心kap自信心。網路社群有關台語e討論khah-ch?--e是這句中文台語beh按怎寫這款技術性e問題。對華語霸權無公義，結構性e問題khah chio有深入e討論。《台文通訊》對台灣語言文化e論述超越「我手寫我口」技術性e文字訴求，強調精神層面e台灣主體性，科學精神，社會性，現代性，前瞻性。這款夢想，超越形式上e台灣國，是teh望想理想e台灣國。



　　早期《台文通訊》文學作品大部份是teh講出外台灣人e故事，內面有in對「故鄉」人kap事e感情，充滿對台灣將來e期待。這款作品有特別e時代意義kap氣味。



　　《台文通訊》信仰性e文章鼓勵台灣人更新心靈，自我要求，啟發台灣民族e自信心，發揚台灣精神。台語文化e復興m?-n?需要「我手寫我口」e台語文技術，閣卡需要--e是建立民族自信心。台語消失是政治問題，心理問題，m?-s?技術問題。台灣人需要對華語霸權所致e斯德哥爾摩受逆性格（註*）e心結覺醒出來。讀《台文通訊》m?-n? ?-tang增加用台語思考讀文章e能力，m?有提昇台灣精神境界e效果。



　　第二：促進跨世代跨國界跨領域新階段e台語文運動



　　這本特刊編輯過程e本身就是一個網路世代新型草根台語文運動。這一冬來m?-n?有跨國線頂編輯會議，koh舉行過30幾場e 「《台文通訊》30冬線頂讀者聯誼會」，每禮拜六台灣時間暗時10點，來自加拿大、美國、法國、瑞士、荷蘭、西班牙、日本、台灣各所在e各種專業人士定時聚會，輪流做主持人，設定主題，安排來賓，探討台灣文學、台語電腦科技應用、台語文歷史、語言政策、大學台語文教學e實踐經驗、台語消費者運動、台語翻譯機器人、母語地圖e製作kap應用、線頂台語教學、網路消費者運動、體制內外台語文運動等議題。「《台文通訊》30冬：線頂讀者聯誼會」kap 「《台文通訊》30冬：台灣文學欣賞」e活動結連18歲到82歲，ui台灣、日本、加拿大、美國到歐洲e台灣語文草根運動工作者，通過網路形成一股新e台語文運動e力量。



　　第三：檢驗、更新過去台語文運動e論述



　　這30冬來台灣e社會語言環境有真大e變化。雖然有「國家語言發展法」通過，kap「公視台語頻道」成立，m?-koh台語家庭e囡仔已經失去講台語e社會環境。救台語e時機敢已經慢--去ah？



　　90年代台語文運動主張用台語文化建立台灣國e論述t? 2020年代，敢猶有適用？ 造成台語流失e根本結構敢會改變？Beh按怎改變？ 網路世代自媒體e興起對台語文運動有啥影響？ 台語死亡e趨勢本土政權敢有想beh救？ 救敢會活？台語文化流失對國家安全有啥影響？ 過去雙語教育e主張敢有需要調整？台灣少年人讀漢字台文頭殼內是用台語抑是華語teh思考？ 敢有能力正確掌握漢字e台語發音？ 漢字白話字e比例敢有需要調整？Beh按怎調整？面對目前台灣新e語言文化環境，「《台文通訊》30冬特刊」邀請原作者來回顧30冬前e文章，m?邀請新一代台語文運動者來發表in對《台文通訊》e看法，希望?-tang更新台語文運動e主張kap論述。



　　T? chia beh利用這個機會koh一遍感謝30冬來為《台文通訊》寫稿、捐款e朋友。雖然台語文化ka-na強欲斷種，毋過相信咱已經k?種子i? t?咱久長所愛e田園。有一日in會大欉出頭天，kap世界各種語言共存共榮，向前貢獻世界和平。



　　嘛beh特別感謝1977年創辦北美台灣人第一份報紙《台灣語文月報》e李豐明、陳清風、鄭良偉。這份台文報紙啟蒙我e台灣意識，開闊我e世界觀。恁掖種，經過14冬《台文通訊》開花結果。願上天所賜，祖先所愛e台語文化，有咱e參與，一代koh一代繼續生thoa?。



　　* 參考《台灣人「受虐性格」的心理分析》林毅夫精神科醫生，前衛出版。

?