推薦序｜歡喜讀《苦慼》�Lim J?-khai

推薦序｜為著b?-tang講話--e出聲�陳慕真

踏話頭｜大願�杜信龍



Chapter 1 思念kap記持

先行

斷chat e詩ch?a──H?? 老爸

Kui紙

阿爸e茶車

歹勢，你講啥？

H?? 母親e冊

煞

鏡──Siang對siang講話

老

我kap死講話

等

擔--起-來──H??胡長松老師

風──H??張炎憲教授

寫H??府城守謢者──巴克禮傳教士（走揣台語文e歷史）

我m?是孤單一?人──H??鄭兒玉牧師

斷水──H?? Marcus

山難記事

打狗情歌

上尾e薰田

草猴──H?? Cinderella

媽祖渡海──寫h?? 陳達先（sian）唱

民謠唱人生

好笑神e你，順行！──記念廖瑞銘教授



Chapter 2 中華民國時代．二二八事件．白色恐怖

H??鄭南榕

你先行 我隨行

無 死目m?願kheh──H??阿樺

掠蛇使者──H??王金河�謝緯醫生

麥仔入塗──台灣『史懷哲』謝緯

火燒百合花──柯旗化

牽掛──H??台獨先行者陳智雄

李應章：和--?我k?你講

失算──H??陳文成

詩e秤頭

新樂園──H??丁窈窕

無國e人──H??許昭榮

王育德，無t?g--來

To?-sang──H??羅天賀二二八受難者

二水戰士──陳篡地

遲到e遺書──H??蔡鐵城

H??鱸鰻查某e情歌

來揣陳澄波食冰

我m? bat藝術

畫筆──寫陳澄波

來t?g──H??台灣e『南丁格爾』陳翠玉

一隻尾蝶仔

打狗踏查──記高雄雄中二二八陳仁悲訪談

阿母hoa--去e春天──詩寫陳新吉

獨唱人生──H??高菊花

赤theh-theh e榮光

Teng-ta?

將軍玫瑰──記孫立人將軍舊厝

桃城m?是逃城

濁水溪e hau疼──讀《濁水溪三百年：歷史．社會．環境》

虛構e目屎

後一改雨期──讀《幽暗角落的泣聲》



Chapter 3 原住民相關

春?????──H?? Uyongu Yatauyungana （高一生）

內籬仔e十字架──H??湯英伸18 歲e性命

Miyome 安魂曲

夢--裡e約誓──記Lawa Toyu �柯菊蘭

久見，我真正e祖靈！──一位無H??官方承認e原住民

Manapan e幻影

Lamungan 遺跡

拍ka-la?uh e祖靈──記水沙連郭百年事件

後一場夜祭

流浪e牡丹

Inawan 紅頭嶼

Kavulungan 源頭

霧社記事──H?? Mona Rudo



Chapter 4 原住民相關

掛心──H??苗栗八叔（1922∼1935/4/21）

拍ka-la?uh e亡魂

大里杙（T?i-li-khi?t）踏查──記訪林爽文古厝

Chhio──國姓改編傳奇

戴潮春事件──查封公記事



Chapter 5 日本時代

樹靈塔──一?文史家對阿里山e見解

失--去e甜──記后里糖廠

銅鑼走味e山歌

尖筆山血路

倒t?g──記通霄踏查



Chapter 6 國際議題

Ta-lian e青春─H?? Amos Yee

Iau飢e囡仔

幸福e徛家─H?? t?香港反送中被兇殺死e 15歲查某囡仔陳彥霖

你留t?桌仔頂e紙條仔

我m?是家己e我

隔離─H??李明哲

刺酸─記黃之鋒絕食行動



寫作kap發表記錄

推薦序



為著b?-tang講話--e出聲

陳慕真（國立成功大學臺灣文學系助理教授）



　　《苦慼》是杜信龍e第一本詩集，是一?台文詩人十冬（2014∼2024）來e粒積。Chia?做台文界新生代e杜信龍，chit十冬來，骨力、綿爛用台語文寫作，ti??-ti??得著國內各大文學獎e肯定，是台語文學界優秀e詩人、小說家。



　　杜信龍e詩質量齊勻，詩ch?a有力頭。伊e詩表現出一種對台灣歷史e虔誠，筆尖通常是嚴肅e khui口，tai批判性e質問kap對正史e giau疑。伊e詩寫台灣史上e英雄人物、二二八kap白色恐怖受難者、民主運動先行者、原住民、香港反送中運動者、新疆集中營受難者，關照e面向包含台灣kap國際。



　　Lan ?-sai講，伊e詩徛t?歷史底層、失聲者、受壓迫者chit爿，chit款書寫位置顯明e人道關懷m?-n?是正港台灣文學e DNA，m?延續戰後台語文學關心土地、歷史、政治e書寫傳統。特別是，t?《苦慼》--裡，lan一再感受著詩人對「記持」e強調，透過不斷描述台灣被殖民e歷史kap記錄無仝時期為台灣犧牲e前行者，呼召「台灣人ki?ng-beh ka-la?uh e記持」，beh k?失去記持e台灣人叫精神。對台灣民族母語e失落，台灣人失憶e症頭，詩人迫切e意志to?過詩稿，親像teh宣示、teh申冤，催迫讀者面對台灣歷史，深思。



　　假使詩集有色水，《苦慼》應當是沉重e烏墨色。國家暴力、性別暴力對人類性命e thun踏kap搶奪，chia?做一字一字苦澀kap thang疼。總--是，lan m?不時讀著詩人機巧e鋪排ia?h是溫柔e詩chat，h?? lan感受著詩e美好。親像，t?〈我m? bat藝術〉，杜信龍描寫陳澄波e牽手張捷，將陳澄波h??國民黨政府銃殺e血衫，藏t?神主牌後壁：「藏畫e查某人恬恬　藏bih t?神主牌e血證/是監查看b?著e kap縫　拍破獨裁e章回」。T?〈夢--裡e約誓〉，記錄Atayal 族最後一位刺面國寶Lawa toyu （柯菊蘭）別世，文明m? toe leh失--去：「Koh替我hip幾張相　上無博物館?有寡路用/無定有人?為伊e意象寫詩/重新講起lan對性命e尊chhun /上無文字b? toe我爛--去─假使有人讀有」。T?〈歹勢，你講啥？〉，khau洗台灣語言t?母土失聲e ham古：「Lin是佗一tah e人/Lin是leh講啥/Kam ?-sai講阮chit國e話/規家伙仔人long變成阿啄仔/歹勢　你講啥？」。



　　T?〈麥仔入塗〉，詩人書寫謝緯醫師。犧牲e結局藏t?溫柔e開場：「天未光　玉蘭e清芳提早結束/月娘將你e睏眠剪做兩koe?h/日頭b?記得替你照路t?g--去/麥仔恬恬入塗等待結穗/Chia?做未來飽t?? e子」。T?〈阿爸e茶車〉，杜信龍描寫阿爸過身以後，對老爸e siau念。短短e詩ch?a，soah真幼路來講出台灣爸仔囝有站節e感情：「逐工斟一杯h?? chhia倒運命e你/請你講--幾-句-仔m?好　沖泡e時間歹liu-la?k」。



　　以台灣歷史敘事做主線，為著b?-tang講話e人kap歷史出聲，用sui-khui koh toa?-tiah e台語行文，透過漢羅文體自由反映台語口語，飽t?? e使命感透l?m思想kap感情──我想，十冬來，杜信龍已經建立伊家己詩e風格。期待後一?十冬，lan koh ?-sai繼續讀著伊e台語詩。



　　《苦慼》有苦。總--是，文字e khui力帶來安慰，母語詩是台灣苦thang e救贖。



序



大願

杜信龍



　　總算，來到chit步--ah。



　　舊年（2023 年8--月）出hit本小說《放毒》，是機緣m?是g?ng膽，上kai重要--e是家己k?自尊放下kap接受一寡無完美e所在。



　　真感謝家己e粒積，無放棄。真正行--過，chiah知簡單--e無影簡單。



　　確實，無人an-ne呵咾家己。



　　T? chit?無正常e教育體制kap國度，你無an-ne是beh按怎k?母語chiu h?? tiau--leh ？阮e台語路重重疊疊，雖bong有一寡si?n-pai有時仔? k?阮指導，總--是，上重要--e是阮家己--lah。



　　學習按怎學習！佳哉，阮是愛學習e人，m?大概知影一套方法，koh有一粒堅持e心。



　　M?是beh刁工褒家己，是beh鼓舞家己，「你koh進一步--ah。」



　　Kap任何箍仔仝款，台語箍仔有一寡問題。阮bat深深反省，家己設一寡規則1 照起工行，m?-thang h??家己行m?知路。無，上重要e任務soah放b?記--得—母語。Che路的確ai沓沓仔行，chiah ?久長。Kap濟濟si?n-pai仝款，m? bat h?過大願，滿滿e熱情。五、六冬過，七、八冬過，一冬koh一冬阮long有修正kap調整。Ta?，十冬--ah，m?知是體力愈來愈無夠、khang-khoe壓力、陪伴囡仔e時間……li-li-khok-khok，實在是無法度像早期一開始khai hiah濟時間kap khui力，尤其是寫作。



　　Che路有影遙遠，阮無想beh斷。



　　Chit本詩集總共85首，ui 2014到2022，大部份long發表--過，che t?後壁年表有交代詳細。一--來，h??讀者知阮是按怎一步一步粒積--e；二--來，che m?是阮家己對chit幾冬來無計畫e寫作做一?簡單回顧。



　　阮m?是本科出身--e，出冊?寫偌好阮m? m? bat刁工想--過。出冊嶄然是對家己一?交代，對爸母囡仔一?交代，甚至是對土地e交代。阮m? bat詩，文學是後--來chiah接觸--e，寫詩是h?願。?g望有讀者， 認bat一下仔chit?人、chit phian土地bat發生e代誌，m?替in出聲。逐首詩long是我e筆記，無論跤有行kah到無，long chia?做阮e苦慼、恨kap疼。



　　是阮個性e因端，母語chiah k?阮叫--t?g-來。無，鬼早就k?霸占tiau-tiau--ah。



　　阮m?無願意tai過頭e怨恨、意識形態來寫詩。是講，che kam m?是詩人e責任？無，詩beh創啥？ Tio?h--lah，beh講bat文學，che kan-ta?是家己hiau-kha-chhng e笑詼。



　　翻頭看chia-e詩，是koh認bat家己，真濟所m? bat e過去，h??阮k?未來看koh-khah清，甚至指引一條路。Che m?是阮對出冊上大e ?g望。



　　面對問題，通人long ?g望有一?快速e解法，iah是一位天將神兵出現解決，根本無耐心去做長期e事工，照che理路，母語kam ?活？



　　阮愈來愈無kah意論母語?死、無教育按怎拄按怎。Che m?是屬t?阮e才調，m?是阮「現實」權力有--e，記錄iah是寫作chiah是屬t?阮線路。



　　Chit幾冬野心無hiah大--ah，m? khah謙卑。Beh h?願？有，m?是對家己koh後一?十冬e承諾。



　　Chit本冊所有不足e所在，是阮家己需要koh-khah拍拚。感謝bat t?阮台語路--裡出現--過e人，有lin，阮chiah有成長，看著無仝e世界。



　　?g望lan e路，愈行愈闊、愈遠。



　　Lan人愈來愈愛chit phian土地。