推薦序　佇鼎灶之間，聽見島嶼的喘氣聲�鍾信昌

自　序　佇飯桌仔頂懸，閱讀島嶼的身世�魏俊陽


第一章　啥物是臺灣的食食？──食食文化的基本觀念

導言　臺灣的食食是歷史、地理佮族群交織的文化結果

壹　理論脈絡：對風土、資本到國家體現的味覺構圖

貳　文學和文化分析：臺灣味是記持、家庭佮地方認同的粒積

參　教學應用：透過食物地圖佮訪談建立個人文化連結

肆　小結：食食是理解臺灣文化的入口


第二章　原住民族的食食──山林、海洋和禁忌

導言　山林和海洋的飯桌仔，和生態平衡的生活哲學

壹　理論脈絡：食物禁忌佮共享制度形塑族群文化秩序

貳　文學和文化分析：小米、飛烏和獵物的性命隱喻

參　教學應用：以食物性命史理解文化和自然的關係

肆　小結：食食成做自然倫理的上前線


第三章　漢人渡海來台──移民社會的飯桌仔

導言　移民共家鄉味紮來臺灣形成新的食食文化

壹　理論脈絡：季節食食佮家族制度維繫文化傳承

貳　文學和文化分析：米的芳、肉瓤和鼎內底的百姓史詩

參　教學應用：透過節慶食物分析理解文化意義

肆　小結：飯桌仔，是移民佇島嶼頂懸釘根的錨


第四章　日治時代的食食──現代性入腹肚

導言　一八九五年的味覺斷裂和現代性啟蒙

壹　理論脈絡：殖民現代性改變食食結構佮消費方式

貳　文學和文化分析：咖啡館、咖哩和便當的摩登隱喻

參　教學應用：比較傳統佮現代食食差異

肆　小結：食反映現代生活型態


第五章　戰後佮眷村──眷村菜佮集體記持

導言　一九四九年的味覺大遷徙和竹籬仔內的鄉愁

壹　理論脈絡：食食成做身份認同佮記持載體

貳　文學和文化分析：巷仔內的氣味和離散敘事

參　教學應用：重構家族離散史和美援麵粉的田野調查

肆　小結：食是情感和歷史的連結


第六章　菜市仔佮小食──街仔路就是灶跤

導言　百姓的胃和無牆的公共灶跤

壹　理論脈絡：街頭食食展現非正式經濟佮地方文化

貳　文學和文化分析：古早味的考現學和流動的饗宴

參　教學應用：行入百姓心臟的田野實踐

肆　小結：流動的饗宴和袂化的爐仔火


第七章　食食佮性別──灶跤內的權力關係

導言　灶邊的爐仔火和隱形的勞動

壹　理論脈絡：家務勞動、空間隔離和食物分配的性別政治

貳　文學和文化分析：沉默的灶跤和母系食譜的反攻

參　教學應用：調查家庭煮食分工

肆　小結：共灶跤的牆?予倒，行向平權的飯桌仔


第八章　味覺的書寫──食物成做文學

導言　挽留消逝的滋味，化喙舌尖為筆尖

壹　理論脈絡：感官書寫佮記持敘事建構文化文本

貳　文學和文化分析：對喙舌尖到筆尖的臺灣味覺系譜

參　教學應用：開啟感官的寫作工坊和味覺溯源

肆　小結：食是文化和文學的交會點


第九章　食食、觀光和文化商品化

導言　予人凝視的飯桌仔和包裝盒仔內底的臺灣味

壹　理論脈絡：商品化、觀光凝視和舞台化的真實

貳　文學和文化分析：夜市佮老街展現文化再詮釋

參　教學應用：設計地方好料企劃和永續觀光反思

肆　小結：文化佇保存和消費之間的行踏


第十章　咱的食食，咱來寫──臺灣食食的未來

導言　徛佇十字路口的飯桌仔和未竟的味覺敘事

壹　理論脈絡：永續佮食農教育成做關鍵方向

貳　文學和文化分析：抵抗的修辭和在地食食的文化方舟

參　教學應用：食農體驗和個人食物故事的書寫

肆　小結：臺灣的味需要繼續記錄佮傳承


參考文獻?

佇飯桌仔頂懸，閱讀島嶼的身世（節錄）�國立臺灣師範大學通識中心兼任助理教授──魏俊陽


　　當咱逐工早起，佇街仔路的早頓店，點一份卵餅配大杯冰奶茶；中晝佇無閒的工課閬縫，趕緊食排骨便當；抑是暗時佇鬧熱滾滾的夜市內底大喙食拄烘好的煙腸的時，咱誠少會停落來思考：遮進入咱胃內底的食物，到底對佗位來的？它是按怎?過數百年的歷史迷霧、行過闊莽莽的海洋，終其尾定居佇這粒名叫臺灣的島嶼頂懸？


　　食食，是人類上古早、上基本，煞嘛上??予人看做理所當然的日常行為。毋過，若咱願意暫時共箸囥落來，提出歷史學、社會學和文學的譀鏡，詳細仔看，就會發現，臺灣人的食飯桌仔頂，實際上就是一部上活骨、上立體的臺灣史。


　　這本《飲食文化：走揣臺灣的食食文化》，毋但是一場味覺的揣根旅行，閣較是一部向望透過「食物」來解碼「臺灣人到底是誰」的食食文化作品。


一　撰寫動機：挽救味覺失持和對抗仝質化的焦慮


　　這本書誕生的核心動機，源自一種深沉的「文化焦慮」和「味覺失持」的危機感。佇二十一世紀的當代臺灣，咱有前所未有的物質生活。街仔頭，巷仔尾，四界看會著世界各國的異國料理，超級市場的格仔頂懸，擺滇滇攏是全球化貿易所紮來的標準化食品。不而過，佇這種看起來誠繁榮的表象，咱煞當咧快速流失對本土食食文化的深刻感知。


頭起先是「速食化」和「仝質化」的危機。

　　綴現代生活節奏的變緊和迒國食品工業的擴張，傳統了時間，費工夫的在地食食，這馬當咧予高度標準化的微波食品、連鎖快餐和外送文化所取代。當少年輩對美國割包、馬鈴薯糋的熟似程度超過傳統的紅龜粿和草仔粿；當咱習慣中央廚房調配出的「工業化古早味」，實際上是咧共家己對這塊土地的風土（Terroir）內底連根挽起來。咱愈食愈好，煞對食物的來源愈來愈無知。


紲落來是「歷史論述」的扁平化。

　　市面上有關臺灣好料的冊濟敢若貓毛，毋過大部分停佇咧「去佗位食」、「這間店有偌好食」的美食指南（Gastronomic Guide）層次，抑是變做觀光行銷的淺薄口號。有關食物尻脊後的階級盤撋、族群融合、性別勞動和殖民權力運作，煞定定予「好食」二字輕輕仔掩蓋過去。當咱干焦咧講食物的口感，煞毋論食物的歷史的時，咱就失去了解讀家己文化基因的關鍵密碼。


上煞尾，是傳統經驗傳承的斷裂。

　　老一輩總舖師的凋零、眷村第一代移民的過身，以及傳統菜市仔佇都市更新過程的消失，彼的捌綴佇口耳相傳、灶邊勞動內底的珍貴食譜和味覺記持，當咧用驚人的速度消亡。若是咱毋閣透過系統性的學術梳理和文學書寫，共遮的記持錨定落來，下一?世代的臺灣人，會面臨澈底的「味覺失根」。和時間走相逐的急迫感，嘛想欲匯集當代食食研究的豐富成果，這本《飲食文化：走揣臺灣的食食文化》，想欲共這粒島嶼的味覺歷史，寫一寡深刻的時代證言。


二　這本冊的目的：解構神話，建構臺灣味的多元系譜


　　這本冊的首要目的，佇咧拍破有關「正宗」和「真正」的單一神話，為讀者建構一?宏大、動態而且充滿包容性的臺灣食食多元系譜。長期以來，咱總是想欲走揣一?純粹的「臺灣味」起點，毋過歷史的真相是：臺灣的食食自古以來就毋是純粹的，伊是一場連紲幾若百冬的「流動饗宴」，是一場由多元族群佇生存和妥協內底揉合而成的創造性混血。


本冊想欲回答一?核心問題：「啥物是臺灣的食食？」

　　為著欲回答這?問題，咱共時間的軸線?予長，共空間的視野放予闊。咱引導讀者行入原住民族的部落，理解他們敬畏山海、和自然共生的生態倫理，這是一切臺灣風土的底色；咱橫渡烏水溝，解析漢人移民按怎共伊家己原鄉的節慶和米食文化移植到這塊土地，而且透過辦桌和祭祀建構強韌的社會安全網；咱直面日治時期的殖民現代性，探討鐵枝路便當、咖啡館和衛生法規按怎強行改造臺灣人的喙斗；咱閣較深入戰後的竹籬仔，看百萬外省軍民按怎佇欠缺的時，用在地的食材鬥貼出川味牛肉麵和眷村菜的離散鄉愁。

　　目的毋是欲寫一本食譜，是欲予讀者一雙「社會學的目睭」。咱希望讀者佇閱讀了後會當了解，一碗簡單的滷肉飯，隱藏傳統農業社會對豬肉的寶惜；一杯大稻埕的咖啡，承載日治智識份子對世界文明的向望；夜市內底鬧熱的炒麵擔仔，是撐起臺灣基層經濟的非正式網路。

　　另外，這本冊的目的嘛是咧「敨開隱蔽的權力結構」。咱共照海燈向對長期予人忽視的家庭灶跤，探討食食分工按怎成做父權體制內底性別壓迫的微觀勼影；咱嘛直視當代的觀光老街，批判資本主義按怎共深刻的文化記持，烏白商品化，變做粗俗的伴手。透過遮的反思，咱向望會當??讀者對被動的「消費者」，轉化做有批判意識的「文化覺醒者」。……?