庫存狀況
折扣
「香港二樓書店」讓您 愛上二樓●愛上書
我的購物車 加入會員 會員中心 常見問題 首頁
「香港二樓書店」邁向第一華人書店
登入 客戶評價 whatsapp 常見問題 加入會員 會員專區 現貨書籍 現貨書籍 購物流程 運費計算 我的購物車 聯絡我們 返回首頁
香港二樓書店 > 今日好書推介
   
成為賈伯斯:天才巨星的挫敗與孕成
  • 定價217.00元
  • 8 折優惠:HK$173.6
  • 放入購物車
二樓書籍分類
 
鳥的方向:黃鈺婷台語詩集(附全書朗讀QR code)

鳥的方向:黃鈺婷台語詩集(附全書朗讀QR code)
放入購物車
沒有庫存
訂購需時10-14天
ISBN 9786267980132
作者 黃鈺婷
出版社 木馬文化
出版日 2026年10月01日
原價 133.00  元
特價 HK$ 113.05  
訂購


詳
細
資
料
ISBN:9786267980132</li><li>叢書系列:<a href=https://www.2-floor.dyndns.org/web/sys_puballb/books/?se=%E5%8F%B0%E6%96%87%E9%A0%AD%E6%89%8B&pubid=muma>台文頭手</a></li><li>規格:平裝 / 192頁 / 21 x 14.8 x 1.2 cm / 普通級 / 單色印刷 / 初版</li><li>出版地:台灣
台文頭手

分
類
文學小說 > 詩 > 華文現代詩

內
容
簡
介

<div class="bd">
<div class="content" style="height:auto;">
●<strong>臺灣文學獎台語文學創作新詩首獎得主 頭一本台語詩集</strong><br /><br /><br />【<strong>風咧吹,心猶未恬靜,鳥仔猶咧走揣,</strong><strong>??</strong><strong>的方向</strong><strong>??</strong><strong>】</strong><br /><br /><br />這是一本記錄歷史佮體制、當代佮環境、地方和個人的台語詩集,嘛是詩人黃鈺婷(小鴨)參與社會運動的文學見證,一本寫予臺灣土地的情批。<br />伊用上溫柔的母語,講上沉重的傷痕,以詩為刀,將生份的故事刻作熟似的苦難本質。若是讀著會疼,可能是因為磕著時代佮個人拍結留落來的空喙;若是你讀著感覺安慰,無定著是臺灣人的熱情佮韌命來倚身。<br /><br /><br />詩集分做四?部分:<br />第一輯討論的是以早的議題,譬論反核、原民傳統領域佮白色恐怖,有的已經告一段落,有的需要重新注目,核心問題攏是個人、族群受著國家�政權的壓迫。<br />第二輯收錄的是當代發生、抑者是重新受著重視的議題:工業區、風機、國安、社交媒體、偏鄉、塑膠微粒、廢棄物、鐵枝高架化、露營區破壞、農地工場、MeToo、移工等等。資本社會生活型態改變,遮的議題更加歹處理,人佮人、人佮環境互相搶奪資源,身在結構當中,無才調離開,也無法度歸因予孤一?理由。<br />第三輯是地方的故事,寫著七股、大林蒲、苑裡、麥寮、旗山、嘉義大溪厝、苗栗造橋龍昇村。有的受著工業區、廢棄物的汙染,有的是時代的變遷,佇家己的所在,人的意志有起有落,結局猶未寫完。<br />第四輯是人心的風波,大部分是用短詩來速寫,作者看著新聞的觀察佮心情,人性種種小惡造成的現象。<br />〔本冊出版得著「國藝會創作佮出版補助」〕<br /><br /><strong>得獎紀錄</strong><br />2026 臺灣文學獎台語現代詩首獎〈橐袋仔的夢〉<br />   打狗鳳邑文學獎台語新詩組佳作〈著賊偷〉<br />2025 台南文學獎台語現代詩首獎〈鳥的方向〉<br />2024 嘉義桃城文學獎台語現代詩第三名〈水的跤跡—獻予大溪厝〉<br />   台南文學獎台語現代詩佳作〈造山運動〉<br />2023 嘉義桃城文學獎台語現代詩優選〈車頭〉<br />2022 台南文學獎台語現代詩優等〈七股的熱天陷眠〉<br />
</div><div class="type02_gradient" style="display:none;"></div>
</div></div><div class="mod_b type02_m057 clearfix">
<a name="AuthorP00a400020009">&nbsp;</a>

目
錄

<div class="bd">
<div class="content more_off" id="M201105_0_getProdTextInfo_P00a400020009_h2">
【輯一|絕望猶未出世】<br />另外一?可能<br />光的旅行——記661666陳澄波小行星<br />石頭的空喙<br />徙岫——記錄亞洲水泥新城山礦場<br />跋桮——寫予反核媽祖<br />紅鞋仔的舞步<br />刺字——寫予樂生<br />跤底的塗沙——紀念2013廢核行跤環島行動<br /><br />【輯二|希望猶未入土】<br />學咱的話<br />鳥的方向<br />志工日誌<br />大水浮城<br />目睭——寫予偷走的人<br />交換<br />補空<br />紙的災厄——獻予我的查某朋友<br />證詞以外<br />敢會天光2019<br />真理?話<br />霧泡<br />長途暝車<br />換衫<br /><br />【輯三|庄頭猶未散】<br />風咧吹<br />
</div>

序
<div class="bd">
<div class="content more_off" id="M201105_0_getProdTextInfo_P00a400020009_h3">
<strong>作者序</strong><br /> ▎後錄<br />0<br />一本出版品愛感謝的人誠濟,感謝阿元佮厝內人的陪伴、鄭順聰老師的牽抾、國藝會鬥支持,多謝王昭華老師和我做伙一字一字斟酌,嘛感謝好朋友楊芳嬋、黃淑姿、楊智傑佮編輯Amber的幫助。<br />感謝已經做仙的顧德莎顧二姊,閣有永遠佇我心肝底的貓仔茼蒿先生。<br /><br /><br />1<br />地球有一?所在,離陸地上遠、上歹行跤到,人共號做「拈魔點」(Point Nemo,華語是「尼莫點」),正式的名稱是「海洋難抵極」(oceanic pole of inaccessibility)。伊佇南太平洋的中央,你若是對這?海域欲去到上近的小島,至少愛划兩千八百公里才會到位,閣無一定揣會著人類,所致予人講是世界上孤獨、上窵遠的所在。毋過,你若有翼股會當飛,差不多四百公里就有可能拄著國際太空站,差不多是對臺灣頭飛到臺灣尾的路程爾爾。當當你拍拚擛翼,你無定著會看著人工的落屎星,天邊畫巡,一?一?,輾落去彼?「拈魔點」,因為伊是太空墓地,無人行跤到就較無要緊,歹去的、篩掉的、到期的衛星佮太空船,攏送入去這?無人的墓地。<br />伊是一切的終點站。<br />我有時感覺家己佇咧彼?拈魔點,四箍圍仔一?人都無,浮浮沉沉,毋管是母語抑是議題,按怎划船都划袂到位。我換共創作的翼股插咧,飛向日頭,蠟紙並無熔去,毋過我記錄的時代,已經開始墜做流星矣。<br />時代當咧換布景,跤步緊甲逐家強欲綴袂著,無變化的是,受壓迫的人佮土地猶原受壓迫,眾人的眼神總是跟綴慾望,咱猶是咧問家己是啥人。<br />總有一工,拈魔點的深海,會累積一層閣一層,和追求發展追求自我有關係的故事,毋知彼時敢有人閣想欲理解無。<br /><br /><br />2<br />咖啡廳嗤嗤呲呲,逐桌攏有誠濟話通講。我坐佇壁角,電腦強欲予我繩甲戮空,猶是一片白蔥蔥。<br />「有啥物話欲辯解的?」頭殼內的法官開喙。<br />「我煩惱家己是毋是咧利用、消遣遮的議題。」袂輸新婦仔的我細細聲仔。<br />「這是創作,敢毋是?」律師佇邊仔鬥相共。<br />「我嘛煩惱家己寫了無夠?,顛倒予議題失去光彩。」我的自信愈纏愈細粒。<br />「這是你的人生,你的觀點,敢毋是?」律師並無放棄。<br />「無請你講看覓,代誌是按怎開始的?」法官擋袂牢來牽抾阮的方向。<br />欲按佗講起才好?彼場轉來故鄉講台語的環境教育演講,抑是二姊上尾上車的背影?或者是,算袂齊透有偌濟暗暝,因為各種消息,心肝頭凝甲袂睏得,無寫出來袂使,無行出來行動袂使。閣有偌濟改四界走傱、無閒tshih-tshah,轉來到厝,啥物都寫袂出來。<br />也有失去十八冬的陪伴,無貓仔佇咧身軀邊的時陣,無才調寫,也險仔無法度正常生活的日子。<br />到底,這本詩集是按怎開始,為著啥物開始的?<br /><br /><br />「就我無細膩徛佇彼?位置,看袂得過,就按呢開始寫�戰鬥矣!」欲自頭講起,不如共我這?人囥佇歷史地理的經緯線內底,一切就解說會通矣!<br /><br /><br />3<br />這世人上緊張的一場演講,是二空一空年年尾對臺北轉去故鄉,宣傳反國光石化運動。彼時我佇荒野保護協會做志工,反國光石化、保護白海豬炒甲熱怫怫,捷捷咧開會,一改會議當中,主席拜託逐家攏愛四界揣機會去宣傳,我應好。煞梧知欲按怎收紲,志工朋友建議我轉去嘉義演講,我ti-ti-tu?h-tu?h毋敢一下答應,離鄉傷久,這號要求使人驚惶。想規半晡,確實有需要,確實有機會完成,若是按呢,確實是徛佇咧彼時彼搭的我愛去做的代誌。<br />我提出十二萬分的勇氣,拜託爸母替我邀請親情朋友,來聽我分享國光石化對環境的影響,查某囝奇怪的請求竟然得著同意,我誠好運,有阿舅替我揣場地,有阿伯送花籃,閣有阿姨叫是我結婚欲送我禮物。我緊張甲袂食袂睏,蹛臺北台語拍毋見幾若冬,是欲按怎用台語紹介環境議題,而且對象閣是看我大漢的序大,逐工攏是目屎流目屎滴,那煩惱那練習。<br />徛佇台頂猶未開始,手共mai-ku捏甲出汁,台跤齊齊是熟識的親情序大,佳哉落尾有順利結束。我知影我誠好運徛這?位置,就有這?所在愛負擔的重量,我想欲替無法度講話、無人注意的性命出聲,畢竟,我看著矣。<br />看著就毋甘,毋甘就行動。<br />毋知影是臺灣人普遍的個性,抑是我這號人(長女病)的性情,重感情、欠自信、無人做就家己塌落去做。一改閣一改的行動,反核、古蹟保存、鐵路立體化、MeToo、大罷免,毋是啥物重要角色,只是徛佇佗就去做彼號工課。<br />這時,我徛佇母語佮社會運動的拈魔點。<br />敢是孤遠的創作起點,敢是起飛落地的文明總站。<br />未來無底參考,我越頭看臺灣人的跤跡,攏總是合該然徛起的不平。親像苦難佮熱情相依倚遐自然,對生的熱情帶來死的苦楚,嘛佇苦難當中感受對性命的熱愛。<br />略略仔安心矣,我只不過是行來到遮,做我應該做的代誌,共臺灣歷史佮土地苦疼交纏的歌詩寫落來。<br /><br /><br />啊你咧,你佇佗位?<br />
</div>


書
評

其 他 著 作