編者序
落泥
文學係斯無落泥,仰唇來生根?水耕到底浮來浮去啊!試看看該兜大樹總係有自家?樣,水耕花草軟餒餒,分人拗下斯斷閉了。
這擺召大家來出版客家詩選《落泥》,就係希望逐儕落泥生根必芽綻筍;在台灣?土地項,雕出做為客家?枝骨,每一個人企出來斯係風景。先講吳濁流先生寫漢詩,雖然用?係古典格律,精神係現代?;內容係台灣?,用字用情係客家?,這正會感動人。吳濁流基金會恁多年來,現代詩獎也培育盡多台灣?詩人,小說家鍾肇政先生當年帶領客家母語運動也二十零年了,盡多人煞猛打拼救自家?語言。對中央到地方文學獎越來越多,鼓勵大家用自家?話來讀來寫,成績定定看得出有兜水準了。
客家書寫當然還有當多愛思考?所在,講來話長;創作係擲出問題,因為關心正會有問題;所以愛有過較多?人來看問題。過去,專家學者各有看法;做研究?乜有盡深?愐想,我常透想時間完全無私心,空間分我等有想法,總係愛打拼能夠看得到未來。
落泥;在這個時代,我等歸陣有幸為客家來生根。
張芳慈