〔踏話頭〕關心卑微e性命/廖瑞銘

Lau-si?t孤飛/Babaja.A.Sidaia

Lau-si?t孤鳥(CD收錄1)/ Babaja.A.Sidaia

作家kap作家e記事/ Babaja.A.Sidaia

A-眉/H?ng-tin

魚肉/A-bong

刺pho-a/Asia Jilimpo

桃a花/Nga-ki

紙人豆馬/洪錦田

反背e疼(CD收錄2)/Voyu Taokara Lau

4-kha-a kap桂竹/T?a-thau X

消失e Apollo13號/A-hi

風颱雨/陳明仁

Beh去極樂世界e加班車/Voyu Taokara Lau

K?ng-梯--e/A-hi

走閃會社/Voyu Taokara Lau

附錄 白話字簡介/陳明仁

序



關心卑微e性命－－台語文學e必要kap意義



廖瑞銘

?

　　一種信念、一件行動維持十年，有需要做回顧kap驗收e khang-khue。《台文BONG報》已經做十年--looh，檢采有朋友beh問講：這份雜誌出刊存在e意義是啥？我e答案是：培養新一代e台語文學作家，傳續台灣文學e性命。

?

　　咱若觀察進入21世紀e台灣文壇，就會發現一?事實是：除了前輩台灣作家lan-san發表e作品猶看會著台灣、鼻會著台灣味以外，新生代作家e hia-e華文作品攏 kap台灣無siann-mih關係！咱實在m?知beh用siann-mih角度去共in囥t?「台灣文學」e名下來討論。遮的新生代作家上大e共同點是：In大部份攏無leh使用台灣在地族群母語，當然in 嘛攏無法度去觀察ta?k族群母語e生活kap故事，koh較免講母語書寫。台灣文學這階段e內涵欠缺，ka-tsai拄好有台語文學創作來補thap。

?

　　1980年代中期開始戰後新一波e母語復振運動，嘛帶動台語文學創作e發展。台語作品上大e特色就是：In e內容絕對kap台灣有關係，尤其是kap土地、人民有對話。無需要討論，就一定是台灣文學。M?-koh，較失禮，一般平面媒體無人beh刊台文作品，尤其是有羅馬字--e，koh較無人愛。所以，台文作家為著發表作品，就陸續發行真濟台語雜誌；期刊，《台文BONG報》嘛是其中之一。

?

　　當初發行《台文BONG報》，阮就堅持一?信念：beh做一份「台語文學專門雜誌」。所以，無愛刊論理性、運動性e文章。真安慰，這?信念到今猶koh維持t?--teh。

?

　　《台文BONG報》自開始就有幾?較固定e專欄，像：BONG報小說、BONG報選詩、BONG報戲劇，是基本e文學創作：「台灣人寫真」是傳記文學；「tshin話bong thn?g」是講一寡舊民俗、舊khian-s?g；「笑破人e喙」台語創作笑話。第62期開始增加「HAKKA屋家」專欄刊登客語文創作。另外，A-bong e ham-ko、洪錦田e短篇推理、楊允言e「來去花蓮」kap「農村生活筆記」、黃晴美e「追想四二四事件」等等攏予人真深e印象。

?

　　台語文學是有現代化e文學，伊符合「文學現代化」兩個要點：一?是「語言kap書寫一致」；一?是「以市民生活經驗kap感情為主體」。發表t?《台文BONG報》e作品嘛攏有合這兩項精神，t?每一篇作品--nih，毋但會當看著台灣，嘛會當感受著咱對每一?卑微性命e疼kap關心，這tsiah是咱台灣文學傳統上寶貴e特色。

?

　　《台文BONG報》已經做十年出刊120期，刊--過e作品、作家數量歹算--a。作品有合集出版e作家有兩?，一?是阿仁e《A-chhun》、《Pha荒e故事》；另外一?是清文e《虱目仔e滋味》。其中，阿仁e作品koh有研究生共提來做碩士論文e研究。除了這兩本已經有收--入-去e作品以外，阮決定beh先編一本精選輯做紀念，嘛beh見證頂面所講e精神，接續台灣文學e傳統。

?

　　常在有朋友leh問講，lin出這款雜誌beh予啥人看？哪會一定愛用台語寫，koh堅持beh用這款漢羅濫寫e方式？十年來我用過幾l?種回應e方法，親像「實踐手寫台語文e理念」、「參考日文e書寫方法」、「t?教育部猶未決定一套台語書寫系統進前，暫時用按呢」，m?-koh朋友嘛攏無啥會當理解，最近我koh揣著一?無仝款e理由，就是：「阮beh關心卑微e性命，所以需要用這款語言來書寫，而且koh會使避開中文e交纏，展現台語文學e特色kap必要性」。可能朋友嘛猶m?是蓋同意，m?-koh，我家己無意中揣著台語文學koh較深沉e意義。今教育部總算公佈一套台語音標，真濟人無藉口koh再講「因為音標無統一，所以i無法度學台語、進行台語文學創作」。T? 這時，beh祈禱這本精選輯會當吸引較濟人進入台語文學，甚且進一步加入台語文學創作e行伍。

?