庫存狀況
「香港二樓書店」讓您 愛上二樓●愛上書
我的購物車 加入會員 會員中心 常見問題 首頁
「香港二樓書店」邁向第一華人書店
登入 客戶評價 whatsapp 常見問題 加入會員 會員專區 現貨書籍 現貨書籍 購物流程 運費計算 我的購物車 聯絡我們 返回首頁
香港二樓書店 > 今日好書推介
   
好吃(NO.5+6)套書(共二冊)
  • 定價99.00元
  • 8 折優惠:HK$79.2
  • 放入購物車
二樓書籍分類
 
我咧唱歌

我咧唱歌

沒有庫存
訂購需時10-14天
9789578019164
王秀容
前衛
2020年8月19日
133.00  元
HK$ 113.05
省下 $19.95
 
二樓書卷使用細則 二樓書卷使用細則





ISBN:9789578019164
  • 叢書系列:台語文學叢書
  • 規格:平裝 / 304頁 / 15 x 21 x 1.52 cm / 普通級 / 單色印刷 / 初版
  • 出版地:台灣
    台語文學叢書


  • 文學小說 > 華文創作 > 散文











      散食囡仔變做臺語博士

      外文專業行入臺文志業

      勞苦業命體悟自由放下

      一切 攏是愛攏是恩典

      萬項 攏感謝天公伯仔




      有一種人生,家境散食,阿母的愛,予伊免一下出世就送予人做囝。

      有一種人生,骨力拍拚,戇戇仔做,天公伯仔攏知影嘛定著共伊疼。

      有一種人生,拍死毋退,無驚無惶,欲一生為臺語教育大步向前行。

      有一種人生,自由自在,無為名利,欲共臺語的?佮趣味予人知影。



      本土語言傑出貢獻獎得主、資深臺語指導員王秀容,用簡單的文字、日常的話句,寫出伊頭一本臺語有聲散文集。對散食的囡仔時代,青春的讀冊歲月、溫暖的家庭故事、有甘有苦的婚姻經驗、勞苦的教師生涯、抗癌的艱苦病痛,對出世四個月寫到五十歲。伊堅心為臺語奉獻拍拚,活出有意義的性命,伊將人生每一擺的暗影佮奢颺,韌命佮認命,看破佮突破,用真心真情講故事予恁聽,用臺文活筆寫出女性的運命,用臺語?聲講出女性的心聲,欲招逐家做伙來傳承臺語文、譜唱臺語的美麗之歌。



    本冊特點



      ◎教育部臺語推薦用字、詞語註解,學臺語真簡單。

      ◎作者全冊朗讀,QRcode隨掃隨聽。

    ?


     





    自序

    0 Hue 重出世

    1 Hue 奶母車內的天使

    2 Hue 鉸指甲

    3 Hue 千金小姐散食囡仔

    4 Hue 巷仔尾的雞牢仔

    5 Hue 半包餅

    6 Hue 擢牢咧的學生裙

    7 Hue 幌韆鞦

    8 Hue 討證明

    9 Hue 電頭鬃

    10 Hue 獎學金

    11 Hue 鐵枝路

    12 Hue 和諧人生

    13 Hue 傷清氣

    14 Hue 特優班

    15 Hue 我這隻戇斑馬

    16 Hue 會變佮袂變的朋友

    17 Hue 服務第一名

    18 Hue 第一條胭脂

    19 Hue 美麗的天使

    20 Hue 免驚

    21 Hue 英國文學

    22 Hue 無彩無去

    23 Hue 無膽佮有心

    24 Hue 霧社的仙女

    25 Hue 排隊

    26 Hue 驚著

    27 Hue 臺北是毋是阮兜

    28 Hue 過關

    29 Hue 起家厝

    30 Hue 孵論文

    31 Hue 921 大地動彼暝

    32 Hue 322 寶貝

    33 Hue Tha-khooh 人生

    34 Hue 半暝的思念

    35 Hue 五進五退

    36 Hue 綴運命行的組長

    37 Hue 王主任的流浪

    38 Hue 攢好咧等咱矣

    39 Hue 啥物攏共比

    40 Hue 指導員斡角看著愛

    41 Hue 愛恩典的錄音博士生

    42 Hue 改變的力量

    43 Hue 拍叉仔徛箍仔

    44 Hue 閣發閣出發

    45 Hue 司機兼書童

    46 Hue 拄著對手

    47 Hue 拄仔好的紀錄

    48 Hue 斡和平東路

    49 Hue 洗跤

    50 Hue 我咧唱歌



    ?





    自序



      我是平凡的女性,若欲講有啥物無平凡,就是我無予運命硩扁,閣我教英語毋過我足愛臺語。遮爾仔普通的無名小卒,人猶閣活咧,家己寫自傳?敢通?莫講你憢疑,連我家己嘛歹勢歹勢。毋過,寫作嘛,人生嘛,家己歡喜誠重要。



      咱臺語若拄著無想欲聽人講話,會共譬相講「我聽你咧唱歌」。有影呢,我自言自語寫家己,自彈自唱說悲喜,可能是一寡足四常、恁無興趣的代誌。恁可能會閣較想欲唱講「我聽你咧放屁。」莫共我嚇啦!上無,會當用來學臺語字。拄開始我有影對散食的過去不止仔傷悲,毋過寫到上尾篇,煞萬項感恩閣看甲有夠開,真正有療傷止疼佮快樂唱歌的感覺。若想著五十歲矣閣一欉好好,有影是雞屎運閣狗屎運,足感恩。我用分享佮毋驚見笑的心情,招你來聽,招你來看,聽我按怎共歹命變做猶算誠好命,看我按怎共故事用臺語文寫。



      唱歌予人聽是足歡喜的代誌。我小學一年仔的時,捌共厝邊的囡仔伴呼來阮兜門口埕,徛起去頭前唱歌予in聽。嘿,閣真正有人共我拍噗仔。小學五年的時,開始參加合唱團,彼陣當流行民歌,我差不多逐條都會曉唱,定定予老師抑是同學點起去唱予逐家聽,嘛是趁著足濟噗仔聲。到高中才知家己真正袂?,彼陣音樂老師足嚴,逐家驚甲,誠濟同學攏叫我緊共in教,緊唱予in聽。到大學因為日間部考無牢,感覺足鬱卒、足見笑,想欲重新做人認真讀冊,就去覕踮合唱團,只要開喙唱歌,心情就快活。所以,我欲共唱歌的歡喜佮你分享,予恁較了解我,閣較向望逐家用唱歌歡喜的心情,輕輕鬆鬆行入臺語文的世界。



      敢著遐工夫?對出世四個月寫到半老老,一歲一篇,攏總五十一篇?因為我雖然平凡,毋過我想欲佮人無仝。有的人自傳是欲寫偉大,會揀光榮的紀錄來寫;我是欲寫平凡、寫心思,寫成長的故事。對直的看,一歲一篇的悲喜,才寫會出我是按怎來、按怎拍拚、按怎會有這馬。對橫的看,嘛才寫會出對阿祖、阿公、阿媽、阿母、阿爸、翁某、兄姊、親情佮囡仔編織的性命網佮線。



      甲遐???逐項記會牢?我三歲的時,褪赤跤去予玻璃?仔鑿著才開始有記持,初擺的記持影響我一世人求平安的價值觀佮個性細膩。所以,三歲進前的記持是聽來、觀察來、鬥起來的。三歲以後的記持是四十幾年的歲月篩選出來、家己要意、囥佇心肝底足感恩抑是放袂開、予我成長的。



      五十歲矣記持愈來愈?,毋過看過的冊、捌過的人佮拄著的風湧,煞予性命愈來愈深刻,趁家己猶會?筆,頭殼猶算分明,緊用家己愛的臺語共寫落來,較省別人錯誤的解說佮定義。嘛想講趁閣活咧,欲完成自細漢就有的作家夢。



      我第一擺投稿是佇阮國小校刊《瑞豐少年》創刊號,第一篇寫啥已經袂記得矣,足成是〈我的學校〉,隔冬我寫〈風鈴〉閣錄取,老師佇畢業紀念冊送我的話語內底,講我有『璀璨』的筆,叫我愛好好仔發揮。我有共伊的話記起來,嘛誠歡喜家己到今猶對文字有遮大的堅持。我十八歲彼年,共天公求保庇講「若大學考有牢,會多做功德」,毋才有法度佇外文系受正港系統化的語言佮文學訓練。畢業閣去考老師通做閣較濟功德,後來閣學輔導幫助弱勢的囡仔,學臺語拼音解救強欲失傳的臺語。我到今閣秉持信言,誠歡喜家己一直行佇做教育功德的恩典之路,嘛迷醉佇咱臺語文的?佮趣味,拍算做到我袂行、袂喘氣。



      我的創作有教育部電子報的稿、語文競賽朗讀稿、文學獎著等的稿、報紙雜誌的投稿抑是邀稿、教科冊書寫,詩、散文、童話、劇本、小說攏總有,我感覺愛用新文章較成有予創作一直向前行,所以我才決定寫家己的故事,逐篇攏新的。我的個性較閉思,欲共家己的故事寫出來,愛有足大的勇氣。是講,我的故事就是我的故事,若有認同的就罔看,若無認同的嘛莫共我呸喙瀾。在我的文學認知,雖然文學有足濟是虛構的,毋管按怎攏是用來表達心聲、反映人生。有人用假的人事物寫敏感的題材,用動物抑是未來的世界做主角,避免無必要的爭議。毋過,我認為自傳猶是愛寫出真正的故事佮感受,一寡較撞?的所在,有影的事實,敢寫就敢負責,心內的暗影嘛免驚人知影,才袂辜負讀者願意撥時間讀我的冊。閣有,因為食到五十幾歲矣,凡事看開,自由自在。



      我博士班畢業了後就開始這?寫作計畫,本底是欲48歲寫48篇,極加寫到50篇,毋過傷過大心肝,閣食頭路無閒甲,嘛無積極揣出版社,毋才拖到這陣大字的51歲矣,掛出世四個月彼篇算在內,拄好51歲51篇。會當順利出版,愛多謝我的臺語師父鄭安住老師的牽線,予伊拜託的人,我佇遮嘛做伙感謝。嘛會當講無當初安住老師的牽成佮牽教,我就無法度行入臺語遮爾?的世界。



      我嘛愛感謝我的臺語前輩佮好朋友,多謝in佇讀冊會佇部份的文章予我意見佮斟酌我的文字。一?是「守/酒台語社」,逐家守做伙為臺語,有我的恩師佮創作的燈塔李勤岸老師,閣有邱文錫老師、陳憲國老師、盧廣誠老師、曾金金老師、林佳怡老師、蘇世雄老師、周盈成老師、陳豐惠老師、邱丹霓老師、石牧民老師、呂東熹公視臺語台台長、張寶明老師。另外一?是「沙龍晤」,我幾?通過閩南語語言能力認證中高級以上的臺語學生,想欲繼續創作,驚臺語捎攏無,所以就成立一?發表作品的「沙龍(salon)」,逐個月約食飯『晤談』,分熟家己寫的文章,欲予逐家「捎攏有」,有游勝榮、蔡天享、林芮薏、李靜儀、黃惠英、曾惠蓉、蔡慧君、吳政修、李彥震、鍾毓平。多謝兩?讀冊會的臺語有志聽我講故事,毋但無共我譬相講「我聽你咧唱歌」,閣予我的文章較順、較好聽。著啦!逐篇文章我攏用手機仔家己錄音,實在無錢額租貴參參的錄音室,我已經儘量斟酌矣,若小可重耽就拜託恁原諒,上重要的是愛會記得上網聽音檔唅!我想講若有人無棄嫌,會當共我的聲音佮文字,提去做教學用途抑是議題融入性命教育的運用,抑是純做推展書寫佮認證自學,就是我上大的向望,嘛是成全我個人救苦做功德、行語文人權公義的機會,更加是恁對我的疼痛、慈悲佮恩典。



      我特別欲感謝共我畫插圖的林芸瑄小姐,伊是阮細漢查某囝,對阿母的支持予我足感動。伊初初答應了後,有一工拜六伊對學校臺北藝術大學轉來,阮只好用半暝小討論一下,我共大概的故事講予伊聽,有一寡仔是進前捌啖著,毋過無遮爾仔正式講予伊聽,伊煞聽甲一下仔笑,一下仔流目屎。我自細漢教阮查某囝講,目屎愛流佇感動的時陣,我無料著伊真正珠淚滴閣去抽幾若張棉仔紙。我干焦講到20歲,拄好伊這馬的年紀,因為時間晏矣,伊愛去洗身軀,隔工透早閣有活動。嘛好啦!我想講,我40歲到50歲的時,伊嘛大漢捌代誌矣,閣講就怪怪。我揀幾張仔相片予伊畫,誠多謝伊的圖予我的冊有藝術感,閣有彼款母仔囝合作幸福的印記。伊的才情佮對藝術的用心,是我這世人會當大聲歡唱的驕傲。大漢查某囝讀法律的傷無閒,若無,我嘛足想欲拜託伊。這本是我的第一本書面冊,嘛毋知是毋是有機會閣出第二本,這真正愛有讀者的支持。咱臺語出版市場生成足狹,有行無市,咱愛鬥陣拚,一步一跤印堅持共行落去。我的夢就是逐工感恩歡喜,認真喘氣,一直寫臺語。



      最後欲感謝臺灣文學堡壘前衛出版社的林文欽社長佮鄭清鴻主編,在膽同意出版我的冊,成全我這?平凡女性的作家夢,成全我疼惜臺語,為臺語留音字,推?臺語純文學的夢。我會感恩一世人。




    其 他 著 作
    1. 兒童性侵犯:聆聽與尊重