編序…………………………….…………………………………………06

01走揣台灣的靈魂?? 康原……………………………………………..12

02走讀府城歷史遺跡感懷?? 許忠和??? ………………………………….14

03有一種姿勢──詩寫黃勁連?? 黃明?……………………………..16

04愛?? 李長青………………………………………………….……….18

05刺線網頂的玫瑰──寫予畫家丁韻仙?? 曾美滿……………….….20

06漁光島的舊情?? 鄭如絜……………………………………………..22

07搖來?去?? 游?良…………………………………………………..24

08生鉎的箭頭?? 離畢華………………………………………………..26

09開利跳運河?? 陳這…………………………………………………..28

10數念e奏鳴曲──寄予簡吉?? 林秀蓉………………………………30

11行過四草水色綠意?? 王希成………………………………………..32

12扛厝走溪流?? 黃徙……………………………………………….….34

13佇寒天合唱的囡仔歌──題A Street in Winter?? 李瓜………….36

14最後的一枝白粉筆?? 林文平…………………………………….......38

15幸福的房間?? 沙山懷若……………………………………………...40

16文文仔笑的死刑犯?? 張元任………………………………..……….42

17日頭光的跤步聲?? 柳青亮………………………………..………….44

18霜降登高?? 楊昭勳………………………………..………………….46

19師說?? 顏銘俊………………………………..……………………….48

20心的內海等無妳?? 吳品瑜…………………………….……………..50

21性命的樹仔?? 程?翼…………………………….…………………..52

22海墘的石滬?? ?存凱…………………………….…………………..54

23出世?? 林麗能…………………………….…………………………..56

24臺語詩人?? 林益彰…………………………….……………………..58

25綴風跳舞?? 韓滿…………………………….………………………..60

26情批?? 張政愉??? …………………………….………………………….62

27記持?? 蔡秀英??? …………………………….………………………….64

28 Th??一領濁水溪?? 吳乾景…………………………….…………….66

29四百冬?? 林世明…………………………….………………………..68

30露螺?? 張威龍…………………………….…………………………..70

31一?人?? 張偉萍…………………………….………………………..72

32名字──記貞愛親王殿下御上陸紀念之碑?? 蔡天享….…………..74

33公主?? 蘇善…………………………….……………………………..76

34落雪?? 殷雷…………………………….……………………………..78

35渡鳥?? 施足珠…………………………….…………………………..80

36紅骨蛇?? 陳玉釵…………………………….………………………..82

37草絪?? 陳明克…………………………….…………………………..84

38我的時間參你有關?? 林芳汝…………………………….…………..86

39我的囡仔，我的母親?? 何明洲…………………………….………..88

40打狗印記?? 王秀娟??? …………………………….…………………….90

41寫詩?? 儲玉玲…………………………….…………………………..92

42台江的記持?? 陳煒翰…………………………….…………………..94

43轉去?? 謝昀臻…………………………….…………………………..96

44賊寨?? 田美瑜…………………………….…………………………..98

45高雄上大範?? 張山…………………………….……………………..100

46台北速記?? 陳俐如…………………………….……………………..102

47轉身──樹跤的約束?? 莊毅冠…………………………….………..104

48等1個人 e 時?? 李淑貞…………………………….………………106

49厝跤?? 蔡婕馨…………………………….…………………………..108

50謝慈愛?? 夜市美麗島…………………………….…………………..110

附錄

戀戀大員?? 謝銘祐…………………………….………………………..114

母語e樹椏?? 李勤岸…………………………….………………………116

生日?? 陳正雄…………………………….……………………………..118

大內橋跤的甜根仔草?? 王羅密多…………………………….………..120

血脈?? 周蘇宗…………………………….……………………………..122



?

編序



歡喜迎向新詩代

陳建成



　　回顧過去，展望未來，伴隨慶祝臺南立城四百年的城市慶典〈臺南400〉盛大登場，由〈臺江臺語文學〉編輯團隊籌辦的〈台語新詩代——台語詩甄選出版活動〉，也佇臺南市政府佮台文界友志鬥陣相楗之下，順利完成這?深具時代意義的的文學活動，佇這先共逐家深深致謝。



　　語言是文化的載體，佇〈臺南400〉透過濟濟活動所演繹、展現的臺南市乃至整個臺灣歷史文化發展的種種樣貌，論真來講，也是反映出台語文化佇臺灣落地自然生湠，開枝散葉成做各族群交流共通的「臺灣話」的過程佮縮影，包括行過早前彼段予咱毋甘的暗淡滄桑——臺灣各族母語因為政治因素長期被打壓，綴民主的演進才重獲重視，由民間自發性的推?台語文運動，自覺性的使用台語文寫作，一步一步行向復興之路，到當下會得成做國家語言，大範大範進入教育體制，大範大範發揚傳承。



　　因緣使然，近三十年來所發展出來的台語文學作品當中，「台語詩」一直佔上大宗，一路發展落來成做台語文學作品當中數量上濟，內容上豐富多樣的文類，累積出來的創作經驗、能量和底蒂，也親像〈臺南400〉所意涵的城市發展階段，來到一?會當放眼環顧過去佮未來的里程碑。尤其是徛佇臺江文學編輯部的角度，近來每一期攏會收著濟濟來自全國各地的文稿，由作品的量佮質，包含觀察投入創作的成員，台語的運用，詩藝佮風格的演進…等，會當感受著整個台語詩的創作群一直咧成長提升、擴大，已經跨越一般人對台語詩的「刻板印象」，漸進蛻化出新的風貌矣！



　　因此，促引咱構思籌辦這遍的甄選活動，將當代優秀的台語現代詩編集做詩選出版，一方面發揚臺語文學，佇復興母語的路途上，佇文學藝術的淬鍊中，予各界看著全國台文詩人作家的努力，感受著臺語文學的?，予各方友志互相知影一路行來雖然辛苦，並無孤單。另一方面，也向先行的前輩致意，佇世代的傳承當中，實質展示現階段台語詩創作的水平佮成就，成做時代歷史性的紀念。



　　每一種語言攏有伊的特質，佇長期以華語為主流的文化教育佮所養成的大環境裡，一般的無接觸著台語文學的民眾，未必然會當了解台語現代詩創作的難度，有的凡勢停留佇共語詞抾予鬥句押韻，或者疊予??古錐古錐就準算矣。實際從事創作的台語詩人，尤其是有華語創作經驗「轉換跑道」投入，時常佇這二種語言之間?摵轉化的友志，相信更加會當體會著欲寫好台語現代詩是真無簡單的代誌。基本上，必須面對雙重的挑戰，毋但和華語創作仝款愛有文學藝術天份，並致力於學習充實，透過一層一層的體悟而進階深化，而且閣愛用心學習這?傳自父母，雖然聽起來親切熟似，看起來卻是生疏的台語字詞，吸納並融會日常生活中各種情境上的變化運用，包括音調、口氣的調節，特別是寫詩必須深入掌握言語的特質，才會當幼路、精準創造出想欲傳達的意象，或者逆向操作，營造出帶有無確定性的歧義、飄忽的多重諧趣。這攏是愛加用真濟精神佮氣力，背後嘛愛閣加上一份對母語的疼惜佮堅持。



　　文學藝術是開闊多樣的，為著予甄選活動更加客觀周至，避免侷限佇編輯部審稿的觀點，特別邀請李勤岸、陳正雄、王永成佮周蘇宗四位無仝詩齡、詩風，攏著過文學獎受台文界肯定的詩人擔任評審，有普世相通的藝術準則，嘛各有個人獨到的看法佮品味，期待整體朝向多方位伸展。編輯部退居二線，彙整所有來稿交予評審勾選，再接手統計所選的票數，列出前五十名優秀的詩作，成做這遍活動入選的作品。



　　值得欣慰的，這遍的甄選普遍受著台文箍仔內的認同佮支持，全國各地濟濟的詩人熱誠來稿，整體來講，無論是對語言的掌握、詩藝的發揮、題材的開拓…等各方面所呈現的，有愈來愈成熟，愈來愈?氣的態勢，予咱歡喜看著濟濟會當會心交流，使人驚豔的詩作。而微妙相應的，就親像觀賞一場精彩的賽車，佇技術高超的轉運手的駕馭之下，連帶的也展現出車輛出色的性能彼一般，台語精深豐富的內蘊，美妙獨特的音樂性，也佇詩人營造的種種意境當中綴咧活跳跳流露出來，佮文采互相輝映。



　　多數參選的作品攏有一定的水準，不而過既然是甄選，難免會有遺珠之憾，佇遮咱向入選的詩人表達祝賀，也參逐家互相勉勵，向望未來鬥陣繼續拍拚。



　　最後，詩集除了選錄五十首詩作以外，考慮著受邀評審佮協力籌辦的友志攏是成名的詩人，優秀的創造者，因為立場上無方便參加甄選，所以邀請怹超然各提供一首詩作相?，另收入附錄予逐家做伙欣賞，準是準是詩人之間以詩飄撇致意，佇新的一年，新的詩代。

?