庫存狀況
「香港二樓書店」讓您 愛上二樓●愛上書
我的購物車 加入會員 會員中心 常見問題 首頁
「香港二樓書店」邁向第一華人書店
登入 客戶評價 whatsapp 常見問題 加入會員 會員專區 現貨書籍 現貨書籍 購物流程 運費計算 我的購物車 聯絡我們 返回首頁
香港二樓書店 > 今日好書推介
二樓書籍分類
 
我佇黃昏的水邊等你

我佇黃昏的水邊等你

沒有庫存
訂購需時10-14天
9789869730846
顧德莎
斑馬線文庫有限公司
2019年3月20日
100.00  元
HK$ 85
省下 $15
 
二樓書卷使用細則 二樓書卷使用細則





ISBN:9789869730846
  • 規格:平裝 / 204頁 / 14 x 17 cm / 普通級 / 單色印刷 / 初版
  • 出版地:台灣


  • 文學小說 > 文學研究 > 華文文學研究











      《我佇黃昏的水邊等你》臺語詩集由國藝會2017年創作補助。



      創作之初是希望以詩帶路,吸引對臺語有興趣的人入門。詩集的內容大都以嘉南平原的風景入詩,如《春天行到八掌溪》、《田水等雲來照鏡》、《割稻仔敬天》,部分短詩描寫台灣的野草花,如《見笑草》、《刺查某》、《烏子仔菜》,有的是生命的體悟,如《佮死神行棋》、《老梅開新花》、《坐看雲》。



      本詩集用教育部頒定的字,但是最大的困擾是很多人已經看慣臺語歌的代用字,不知道正確字的發音。所以這本詩集邀請嘉義當地的臺文老師錄音,部分加上嘉義歌手陳書瑋的音樂做背景,把QR code印在書裏面,讓購買書的人用掃描連結到網路就可以聽到語音檔,書中並附錄作曲家賴品真老師的曲譜,可以讓臺語老師當作兒歌教學,也可以讓有興趣的人傳唱。



      《我佇黃昏的水邊等你》這本詩集從詩文創作到校對、朗讀、錄音、插圖、封面設計,全部是嘉義地區的朋友合作,也是值得一記的事。



    本書特色



      《我佇黃昏的水邊等你》創作之初是希望以詩帶路,吸引對臺語有興趣的人入門。創作的同時也做了幾場小型發表會,得到許多人的喜愛。有幾首成為作曲家賴品真帶領的合唱團教唱曲。




      詩集的內容大都以嘉南平原的風景入詩,如《春天行到八掌溪》、《田水等雲來照鏡》、《割稻仔敬天》,部分短詩描寫台灣的野草花,如《見笑草》、《刺查某》、《烏子仔菜》,有的是生命的體悟,如《佮死神行棋》、《老梅開新花》、《坐看雲》。



      文字創作時,要求自己都能用教育部頒定的字,但是最大的困擾是很多人已經看慣臺語歌的代用字,不知道正確字的發音。最終我決定將這本詩集變成有聲書,邀請嘉義當地的臺文老師錄音,部分加上嘉義歌手陳書瑋的音樂做背景,把QR code印在書裏面,讓購買書的人用掃描連結到網路就可以聽到語音檔,書中並附錄作曲家賴品真老師的曲譜,可以讓臺語老師當作兒歌教學,也可以讓有興趣的人傳唱。



      這樣的設計當然會增加許多成本,但是這是第一次結合嘉義當地熱心推動臺語的一群人的集體創作,彌足珍貴。



      《我佇黃昏的水邊等你》這本詩集從詩文創作倒校對、朗讀、錄音、插圖、封面設計,全部是嘉義地區的朋友合作,也是值得一記的事。

    ?


     





    推薦序



    用?氣的台語寫出詩的春天──讀顧德莎台語詩集《我佇黃昏的水邊等你》




      顧德莎開始用台語寫詩,是這兩三年的代誌。照伊的講法,伊自細漢就蹛佇台語生猛的菜市仔邊,讀小學三年了後搬去眷村蹛,改用華語腔口講話,一直到出社會來台北做工課,才因為去卡拉OK唱歌的關係,發現台語的?氣,行轉來學習台語文的路頭。到了2015年,伊參加「梅山文學營」,受著路寒袖、林沉默的指導,寫出第一篇作品〈返鄉〉;2016年,伊佮朋友共組「台文讀冊會」,認真唸讀林央敏的詩集《胭脂淚》、小說《菩提相思經》,那讀那唸,那來那對台語寫作有趣味,嘛按呢開始認真台語詩的創作。



      雖然寫作的時間無長,毋過顧德莎的台語詩卻是真幼路,真有看頭。這本《我佇黃昏的水邊等你》就是伊兩三冬來創作成果的總展現,佇這本詩集內底,伊寫花草、寫感情、寫病疼、寫土地、寫眾生,透過無相仝的角度,用詩的語言描寫伊的感觸、伊的心情,遮的詩篇總數有九十外首,可見伊創作誠勤,才情誠懸,才有法度寫出遮爾濟好作品。



      顧德莎的台語詩,參濟濟台語詩人無仝的,是伊誠愛「拈花惹草」。這本詩集內底寫花的詩作,自頭到尾有袂少篇,「輯一」攏寫花草,「輯四」嘛攏是花,另外每輯嘛濟少會當看著花的形影。這是顧德莎詩篇的特色之一,自來台語詩人多數用現實主義的技巧表現社會真實,像伊按呢愛花、看花、寫花的詩人無濟,像伊按呢共每伊蕊花的色水攏表現出來的詩嘛無濟。就像〈花開的聲音〉這首詩寫的:



      每一蕊花攏有伊的色水

      每一種色水,攏是春天

      等下一陣風來

      ?頭,徛出來



      伊將各種花寫落去詩內底,毌管普通抑奇巧,見笑草、刺查某、蓬鬆花、油桐花、燭仔花、將軍棉、七里香、瓊花……,攏寫出無仝的色水佮姿勢,予人讀著心適、快活,嘛會鼻著花的芳味,看著台語詩的春天。



      因為受著台語流行歌詞的啟示,加上顧德莎這三年來全心唸讀台語作品的關係,對台語聲調變化的體會愈深,對音樂性的把握愈強,伊有誠濟詩宛然是歌,誠適合唸讀,嘛會當譜曲做歌。紲手舉這首〈無言花〉做例:



      將欲寫的批,掛佇樹椏

      一萬字會使編做幾首詩?

      幾首詩會使代替

      無寫出來的字?

      寫佇樹頂的字

      會恬恬飛落塗跤

      有人看過

      無人讀過

      仝款葬做伙

      一堆字的屍體



      花佇樹頂唌人目

      花落樹跤隨人踢

      自頭至尾

      無聲無說



      這首詩押韻誠自然,換韻誠?氣,「批」(phue)、「椏」(ue)、「替」(thue)、「過」(kue)、「伙」(hue)「尾」(bue)、「說」(sueh),攏壓「ue」的主韻,「體」(the) 精差無偌濟,整體唸出來有輕聲細說的感覺佮情境;主韻中間安插次韻,「字」(j?)佮「詩」(si)用「i」韻,「目」(ba?k)佮「踢」(that)用近倚的「a」韻,互相交插、應聲,成做一篇動人的歌詩。這是顧德莎佇這本詩集內底用情用心上濟的所在,這類的詩有袂少,親像〈蓬鬆花〉、〈看雲〉、〈讀詩〉、〈寫蹛水邊的批〉、〈落落水面的花〉、〈燭仔花〉、〈花開的聲音〉、〈水照花影〉……等等攏是佳篇。



      寫花、寫雲、寫詩以外,顧德莎嘛寫病疼佮人生世事。〈佮死神行棋〉有兩篇,一篇用「圍棋」來比喻佇陰陽對決崁站的病人無依偎的疼,一篇用「象棋」來比喻病中想盡辦法共死神車拚的意志。兩篇相對照,會予你看著詩人參破生死的生命觀點。〈浮塵眾生〉寫伊踮病房看落雨天的窗仔外的覺悟,窗外窗內攏是「勞苦」,親像「一粒浮塵 暫歇/ 往東往西 等神決定」,詩的尾段「向望浮塵/ 會使起身/ 回轉大地/ 完成一生」,寫出看破生死無常的哲理。閣較深刻的,是這首〈好日子〉:



      你問我最近好無?

      無畫圖讀冊

      每工食飯?茶

      佇窗內看雲搬戲

      無想將來,過去



      時常一?人

      綴一蕊雲

      佇山路踅來踅去

      雲?過竹葉

      向海的方向飛去

      我的路彎彎斡斡

      袂記得終點佇佗位



      我誠好,免掛意

      每工攏是好日子

      看雲

      聽雨

      等暗暝



      這是參破病疼,對人生徹底開破之詩。「每工食飯?茶/ 佇窗內看雲搬戲/ 無想將來,過去」是一款看破生死、自得其樂的生命態度;「雲?過竹葉/ 向海的方向飛去/ 我的路彎彎斡斡/ 袂記得終點佇佗位」,有王維「行到水窮處,坐看雲起時」,對應人生彎斡,無所驚惶的開闊;尾句「看雲/ 聽雨/ 等暗暝」特別精彩,人生的路途行到遮,已經是順其自然、順天應命的代誌。



      誠歡喜會當代先拜讀顧德莎的這本詩集。我和伊初見,是佇台北齊東詩舍,2014年中秋前一工,彼工有我的新詩講座,每禮拜一擺,前後四禮拜,伊總是按時來聽,我講新詩內底的台灣想像、講詩的四?特性,毋知對伊後來寫詩有幫贊無?總是後來就看著伊寫的台語詩作,愈寫愈猛,便寫便好。伊的台語詩集《我佇黃昏的水邊等你》得著國藝會的獎助,會使得出版,這是誠無簡單的代誌,我讀伊的近百首的詩,感覺會著伊對台語詩的深情,伊的詩毋但是講究台語用字、用詞,而且注重詩的語言、技巧參情境。這本詩集親像開佇台灣土地面頂的花蕊,用?氣的台語寫出詩的春天。

    ?
    向陽




    其 他 著 作
    1. 說吧。記憶
    2. 驟雨之島
    3. 時間密碼