庫存狀況
「香港二樓書店」讓您 愛上二樓●愛上書
我的購物車 加入會員 會員中心 常見問題 首頁
「香港二樓書店」邁向第一華人書店
登入 客戶評價 whatsapp 常見問題 加入會員 會員專區 現貨書籍 現貨書籍 購物流程 運費計算 我的購物車 聯絡我們 返回首頁
香港二樓書店 > 今日好書推介
二樓書籍分類
 
2013 A-Khioh(阿?)賞:台語文學作品集

2013

沒有庫存
訂購需時10-14天
9789869065108
邱偉欣,林貴龍,陳廷宣
台語傳播企業有限公司
2014年4月01日
117.00  元
HK$ 99.45  






ISBN:9789869065108
  • 叢書系列:台文叢書
  • 規格:平裝 / 367頁 / 14.8 x 21 x 1.83 cm / 普通級 / 單色印刷 / 初版
  • 出版地:台灣
    台文叢書


  • 語言學習 > 中文/方言 > 台語











      李江?台語文教基金會為著鼓勵閣較濟人進行台語創作佮研究,設立阿?賞。除了論文、詩、小說以外,這幾冬增設劇本e獎項。2012年起,增加長篇小說獎,希望會當補齊台語文學所欠缺e一塊。



      《2013 A-Khioh賞-台語文學作品集》選入對2012年來,得獎e一篇長篇小說佮兩篇劇本。邱偉欣e長篇小說《Ging》佇頭序對台灣這?島嶼講起,台灣人e歷史記錄著被壓迫e種種,親像路邊e草仔予牛車「ging」過e性命,透過一?小庄頭「璧麗村」e故事來敨開偌儕層層e歷史。



      劇本有林貴龍〈語言e力量〉、陳廷宣(A-hi)〈Bian-tsih內e春天〉。〈語言e力量〉透過口白、辯話骨將「語詞、諺語」展示出來,袂輸「行話」e小教室,是展覽兼娛樂e劇本。〈Bian-tsih內e春天〉是有關野球e劇本,陳廷宣是台文界野球文學e代表,掠「球是圓e」、「第九局」來做重點,描寫心理,這齣劇本呈現有野心e觀點,這是戲劇tsiah有法度清楚展現e特點。



      透過欣賞遮的作品,會當看著台語文學閣較開闊e創作視野,嘛是長久以來,台語文運動e小小展示。

    ?


     





    序言

    台語長篇小說-Ging

    台語劇本-語言e力量

    台語劇本-Bian-tsih內e春天



    ?





    序言



    A-Khiohe長篇小說



    陳明仁




      「小說」這?詞,ai讀文音「siau-suat」,古早Tsi-na出現e「小說」,是儒家phi-siunne「非合統治適用e論說」,品訂為「下流」,kap這時印象e「小說」無相關。日本人明治維新了後,k?真濟近現代文化詞用漢字造詞,古早日本e情節故事用「物語」、「補物帳」等e詞。「文學、小說、散文」意思kap漢字原意干焦小可仔牽連ni?-ni?,這款詞ai讀文音,散文音「san-bun」。



      小說佇西方真早就有神話故事,用「novel」這?新奇e形容詞做名詞,日本翻做「小說」若較無遐長篇--e,就稱「novelette」,短篇小說就用fiction(想--e、編--e、假--e),做正式e名。純文學創作通常攏是編故事來舖排創作者e「ideal」(理想),裝th?nn?e語言,用各族e名字符號書寫。各族群讀者對作品e回應,通常會引起思想e轉變,「文藝復興」就是咱知e情境。



      長篇(novel)、中篇(novelette)、短篇(fiction)有時仔毋是真嚴格e分類,長、短e創作質性無完全相仝。古早時代e世界名著攏規部,讀足久,彼陣e人無啥g?-ni?,較會當專心享受長篇小說。筆者初中e時,工讀生覕佇圖書館,有時仔嘛偷借轉去讀,學科成績suah真?,高中tsiahtio?h去台北夜間部掛名修學,毋過仝款讀世界長篇小說,回想--起來,也是幸福。



      現代人時間真kiap,毋是時間e單位較短,是分配予趁錢抑是心適eg?-ni?siunn濟,長篇小說就較敗市。



      李江?台語文教基金會是專業e台語文學運動組織,tshuan講統治者無欲做,毋過台灣人袂堪得等e事項,kap別款基金會性質無重疊,佇統治者無重視台語各族母語e時代,出母語雜誌、組台文讀冊會,設獎勵台語文學獎kap台文學術論文獎賞,資源有限,賞金無濟,嘛佇文學界、學術界予有心--e重視,這幾年koh增加戲劇文學e獎項,戲劇佇文學類也是主流之一。



      2012年起,想講長篇小說若無鼓勵,台語文學koh欠一塊,增設長篇小說賞,koh真正有志士來稿。2012年選出林貴龍e小說,2013年選邱偉欣e小說。邱偉欣是青年創作者,伊e思維有新e語言佮視野,內容無beh佇遮漏洩,予讀者家己去讀。



      台灣現況真危險,台語文是台灣弱勢e堅心守護兼創造者,逐?k?ng力相th?n。



    「看」兩齣戲-評2013A-Khioh賞「劇本組」



    施俊州




      2013年eA-Khioh賞設「劇本組」,入選兩篇:林貴龍,〈語言e力量〉;陳廷宣(A-hi),〈Bian-tsih內e春天〉。林貴龍,2012年A-Khioh賞長篇小說獎e得主。A-hi,講有寫詩、出一本散文集(2005),是講伊e小說散散仔刊,ti?nn-ti?nn予咱讀著目睭光。講透ki,in攏是小說家e範。



      小說家寫劇本無啥毋著,嘛無啥物m毋好。跨文類寫作天公地道,欠跤手e台語文學界,koh較thang鼓舞這l?「試寫」風氣。講bong講,文類e典型小比--一下,tsiah知戲就是戲;劇本寫作,對咱慣勢寫「字」、編意象,慣勢k?「字」講故事e小說家、詩人來講,的確是挑戰。



      〈語言e力量〉e「下齣」,用半thang光e紗仔做幕,是規齣較「舞台」e一場。戲文順順仔k?讀,就知寫作動機、目的無佇舞台,佇語言「教學」-透過口白展覽語言智識;辯話骨是這l?展覽兼娛樂e手路。語彙、諺語一句仔一句「辯」--落來,免啥物寫劇經驗kap學問。〈語言e力量〉予咱想著陳明仁佇BONG報、佇海翁《台語教育報》寫e「專業行話」欄、「心適e台語」欄,甚至月球唱片e脫線系列爆笑劇。



      〈Bian-tsih內e春天〉有較小說一-屑-仔。逐家掩名讀這篇,就知A-hi寫--e。到這陣,台文界有leh寫野球文學--e,就A-hi一?有代表性。A-hie野球文本ing-ing掠「球是圓--e」、「第九局」做criticalpoint,描寫心理、ki-tu?h弊案。舞台設計、「觀點」誠有野心;戲kam?演--e,是大問題。論這點,〈Bian-tsih內e春天〉毋是小說,是影戲;遐爾有野心e「觀點」,aik?o鏡頭呈現,tsiah有thang合作者e編寫動機。



      吳念真講伊評電影劇本,頭一?標準:看戲?演b?演--e。是講,咱嘛有聽過林正盛h?伊e想法:「?演b?演--e,錢摃--落就有」。技術性kap編劇本色e問題,突顯戲劇教育kap咱e劇場需求:song-hionge運動脈落,有法度獎勵優質劇本,「咱e劇場」kam就請?起優質e演出?Ah是講,有戲thang「讀」就好?-2014/2/20

    ?




    其 他 著 作