專家推薦



予咱e少年囡仔讀一?屬t?家己、予家己勇氣e故事



　　全世界攏著災e 2020年，考驗人e身軀kap心靈、考驗國家e意義，m?考驗全球化e界限。看袂著e災厄ta?uh-ta?uh會過去；毋過，看會著e壓迫，逐不時t?每一?所在teh發生，無管你e肉色、民族ia?h國家，是啥物款式。



　　我t?日本留學e上尾第二冬，受著臺南文化局e委託，編譯《漂泊的民族 王育德選集》（2017出版）。因為按呢，有機會khah深入認捌王育德先生這位一世人攏teh反抗強權、m?替臺灣人爭取濟濟「人權」e賢者。人權e意義有真濟層次，親像是講母語e權利、用母語書寫文章e權利、獨立思考e權利；成做一?集體，有認捌家己歷史e權利、自由表達意見e權利、追求民主e權利；ia?h若面對強勢者e非情對待，弱勢者m?有爭取平等權益e權利。



　　雖罔逐時代有逐時代e困境，面對無仝款e災厄kah逆勢，欲按怎超脫、克服，著靠彼時代e人所展現e智慧kah儼硬。T?這?強權kap壓迫iau原在e時代，相信王育德先生所做e濟濟事工，kap伊所替咱示範成做一?「人」e形勢，iau是予咱得著真濟啟示、勇氣kap力量。



　　一本繪本會當講e故事有限，總--是，畫內面有真濟線索，通予咱來認捌這位自少年就離開臺灣、毋過規世人攏teh為著故鄉臺灣揣出路e人。Ia?h王育德si?ng予人知影e就是伊t?研究臺灣話e成就，所以，成做這本繪本e臺譯者，我一方面感覺真榮幸，閣較希望e是有愈濟人因為讀著臺文版，m?-n?對咱e母語有閣較濟e疼惜，也會當k?所得著e勇氣化做力量，繼續替母語爭取權利。

?