pacun aen tuwa sinan milimilingan nucu a sapitj,ma tega u varun,spaqentj a sicuwaian cinalivatan cavilj。na tja vuvu qinaljan、qinuman ata ina caucauwan,na scekcek anan itja u varung。lja aycu u pinaqenetj anan ata u pasusangas a limapuluq cavilj,itja man tjabeku s zemululj tuwa zaljum anga,na ma patjeng i puzaljuman。
atja vuvu sicuwaian na isapacay ravac karim ta katjunangan tu kaizuwanan,ta sdjaljepe taleman tuwa kakanen。sma tataqan anga,papu spiyan tu pulami,minseg anga kemayzuwanan。djipun anan,lemadenga maljaqaljan tu pulami a imaza,a pasa iumalj tuwa paulan,tjatju mantjez a iziyu mamaza。
itja 1989 cavilj,atja malayng sihu kinemenem tu man tjabeku pimaza,sizululj tuwa zaljum si pakan towa smaliljaliljau mapuljat,si puzaljum ta man ljuljulju。
masudju tazuwa,ruy maqulip atja kadjunangan、mapvalit atja sikakudanan、ma palak a tja gade tja puzaljuman、anemanga sikan a sengsngan aia mapuljat,iniya isalu。
lja atja malayng sihu sinan pazangal ravac aycu man tjabeku a sengsngan,anu paulan nasi kininemenem anga aia,karakudayn aea。
tucu tjinabeku anga tja kadjunangan,mapavalit a tjakakudanan,ljauwa na itulu tjen tatj vuvu vinarungan si san sengsngan,pina pu spiyan tjen nana qmati,nuwa anema tja sikan sengsenga,tja kinnemnem a pulay a nakuia,tja kedresulen a varung,ipaquliqulidetjn zmangal tuwa sengesngan anga,maqatitjen mikacalj。