序

成熟e印記

自由koh le-tau e光景－2012《台文通訊BONG報》年度編選報告



詩

南路鷹世紀傳奇

詩人

過身

記持

葉仔原本生t?樹欉頂

失去一隻羊e詩

白色眠夢

K?花沃水

Saat Ka-purux-ng（島嶼）

楊桃ke味緒

H?o柳河e愛情明信片



散文

萬居--a擔埔社

草仔枝kap老雞母

hit工t?金剛寺山門邊

文旦，我

衝過鐵枝路e「活力」？－走揣彼?「侍」（samurai）之二



小說

菩薩榮--?成佛

十三、十五hia

上sui e查某

事變

序



成熟e印記－廖瑞銘

?

　　年度選kan-na是樹仔e年輪，是性命e記錄，嘛是成熟e印記。這本台語文學年度選就是咱e母語成熟、開花e展示。

?

　　上頭先是咱毋甘家己e母語佇面前消失--去，tsiah mi-nu? 咧呼籲ai保存母語，用運動去形成台灣社會e共識。經過幾十年e拍拚，咱e母語佇台灣社會總算有伊生存e空間，有發展e希望。認同這?母語理念e文學作家嘛開始有人轉換文學書寫語言，kap母語運動者共同發展戰後台灣這一波e母語文學運動。按呢，咱毋但是共母語權保牢--咧，恢復母語e性命，koh用母語發展出咱e新文學，母語文學就是母語復振運動e產物。

?

　　《台文通訊》對台文運動出發，本成是美國洛杉磯一陣台文寫作會e成員發表作品e平台，後--來，發展成做海內外台文運動者共同e平面媒體。《台文通訊》台灣總連絡處台北寫作會佇1996年另外創辦《台文BONG報》，自我定位做「台語文學專門雜誌」。2012年，兩?刊物合併做《台文通訊BONG報》，希望會當發展做一份台語文綜合雜誌，予台語存在佇咱生活?每一?角落，記錄、描寫生活e每一?細節。相對的（tik），咱e台語文學會當再現生活e每一?領域，關心每一?階層e台灣人，共文學當做是各行各業台灣人e心聲表達，毋是kan-na少數文人雅士e專利。

?

　　年度選是對《台文通訊BONG報》規年刊--出e作品中精選--出-來-e，咱thang共伊看做是這份刊物e台文作家群年度性e見本櫥展示，邀請逐家來欣賞。期待年度選一年一年編sua--落-去，就ka-na母語這欉大樹綴年輪一輾一輾擴大、勇壯。

?